New Normal sa Larangan ng Edukasyon

Sanaysay 

    Naalala mo pa ba ang mga panahong kayo’y magkakasama pa ng iyong mga kaklase sa silid- aralan?Yung mga panahong nahaharap mo pa ang iyang mga guro? Mga panahong nayayakap mo pa nang mahigpit ang mga taong naging malapit sa paaralan? Mga panahong di kailangan ng internet, laptop o kaya nama’y selpon para lang maka usap sila? Para lang maihayag ng guro ang kanyang nais ituro?

Ito yung mga panahong ninakaw sa atin ng isang nakamamatay at nakahahawang mikrobyo na tinawag na Covid 19, at sa kanyang pagdating sa pinas, kinakailangang baguhin ang sistema ng pagtuturo upang ma protektahan ang mga mag-aaral laban nito. Bgong larangan ng edukasyon ang pinatupad ng pamahalaan. Mula sa personal na pagkikita ay naging sa kompyuter, selpon, at modyul na lamang ang tanging gabay upang maipagpatuloy ang nasimulang edukasyon ng mga kabataan. Masakit at mahirap isiping kailangan natin pagdaanan ang ganitong sitwasyon pero tayo’y lumalaban dahil ang pinoy ay palaban at hanggan ngayon pilit parin nating hinaharap ang Edukasyo sa kabila ng pandemya.

Hindi man nating mapagkakaila na mahirap talaga ang sitwasyong ating hinaharap ngayon. Bilang isang mag-aaral, kailangan kong ibabad ang mga mata ko buong araw sa laptop at selpon upang masagutan ko ang mga aktibidadis na pinasa ng mga guro sa pamamagitan ng email, messenger at FaceBook. Kailangan kong unawain ang mga tagubilin bawat asignatura ng mag-isa. Kailangan kong matutunang isaayos ang mga gawain upang maipasa ko ang nasagutang asignatura sa itinakdang araw na ito’t kailangan makita ng guro.

Gayunpaman, andami kong natutunan sa bagong larangan ng edukasyon at naniniwala akong hindi man naging maayos ang sistema ng edukasyon ngayon, balang araw maibabalik natin ang nakagawiang pag-aaral sa loob ng paaralan. Laban lang tungo sa kaunlaran.